Monday, September 17, 2007

جربت تكون لوحدك

السلام عليكم
حد جرب قبل كده انه يكون لوحده يعني من غير اصحاب
يعني واحد بيحب يقعد مع نفسه طول الوقت من غير اصحاب
هل ده ممكن
ممكن الانسان يقدر يعيش لوحده منعزل عن العالم الخارجي
الموضوع ده في باليجه في بالي كتير
طب لو الانسان عاش لوحده يقدر يكمل حياته بصورة طبيعه ولا حيكون فيها كسور
حيقدر يتعامل مع الناس بمختلف افكارهم ولا حيجد صعوبة في ذلك
ده مجرد فكرة طرأت في دماغي
واكيد كل واحد حيكون عنده راي في الكلام ده
بس انا احب اقول حاجة ان الانسان في وحدته اقرب للجنون زي ما قال نتيشه

9 comments:

فى القلب said...

طبعاً الوحده بالنسبه ليه أبشع الأشياء على الأطلاق حتى لو كنت فى الجنه

بحب الناس و مش أقدر أعيش غير و سطهم
و بيجيلى أكتأب حاد أذا الظروف فرضت عليا الوحده

طبعاً الناس ألى بتفضل الوحده المطلقه مش فى بعض الأحيان بتكون فى نظرى كأنات غريبه

dr.Roufy said...

الوحدة
من أهم المعاني في حياتنا
زي ما انت قلت الواحد ممكن يكون في وحدته أقرب للجنون
وممكن الوحدة تعمل له نوع من الانعزال الفكري..والجمود..وممكن كمان الاكتئاب
لكن في اوقات تانية الواحد بيبقى فعلا محتاج يكون لوحده..محتاج..يبعد عن الدنيا الكبيرة بكل صخبها..ومشاكلها
ويواجه روحه..وينظر لها

يمكن بيكون دا نوع من اعادة شحن الذات
وتقويتها علشان تقدر تواصل

يمكن

تحياتي

son's egypt said...

السلام عليكم
تحياتي لك dr roufy
انا معاك ان الواحد ممكن يكون عاوز يعيش لوحدع بعيد عن صخب الدنيا وما فيها من مشاكل
وممكن زي ما انت قلت شحن للذات بس بشرط الوحده ديه مكنش طويله

Hadota ... حدوتة said...

السلام عليكم
على فكرة مدونتك حلوة اوى
بص بقى
بالنسبة لموضوع الوحدة دا
احنا ساعات نحتاج اننا ننعزل عن المجتمع
وعن الناس
وعن اقرب الناس لينا
يمكن بنرجع لنفسنا
يمكن بنريح نفسنا من شقاء وعناء الحياة
بس فى النهاية لازم نعود
منقدرش نعيش وحدنا على طول
حد يبقى جنبك
يسمع همك
يضحك معاك
يبزعل على زعلك
قد ايه بتحس بالمشاركة لما تحس حد مهتم بامر وعاوز يهنيك بقرحك او ياخد بخطرك ويقف جنبك فى حزنك
وبالتالى الوحدة جنون زى منت قولت


تحياتى ليك
فكرة البوست متميزة

AMRO .O. ABDELHALIM said...

عزيزى
هاى عليك
الوحدة فى تقديرى هى اغبى قرار ممكن يتخذو الانسان
لانها ضد طبيعتو،بس كمان لازم يبقى للانسان فرصة للتوقف مع النفس، يتوحد شوية علشلن يستفيد من مزايا كتيرة مش موجودة وسط البشر
عادة اسوا انواع العزلة بنحس بيها واحنا وسطهم، لما نحس اننا مختلفين عنهم
الوحدة ممكن تطور الانسان فكريا
حسب تجربة كل واحد فينا
وممكن تودى الى الجنون
برده حسب قدرة كل واحد على الاحتمال
تحياتى

lonely said...

احيانا يشعر الانسان بالرغبه فى الانعزال عن البشر وعن الكون كله
ولكنها تكون حاله مؤقته
من الصعب استمرارها
فتفاعلنا مع الاخرين هو ما يجعل حياتنا تستمر بطريقه صحيحه
لكن من الصعب جدا ان نستمر فى حياتنا منعزلين عمن حولنا

sahr said...

السلام عليكم
انا لسه قرأه بوست في مدونه تانية عن الوحده برده
بس الوحده مش وحشة اوي يعني كده هي اه موحشة وبيبقى احساس صعب شويه بس ليه برده جوانب كويسة انك بتعرف تختلي بنفسك كتير وتبعد بيها عن الناس
واهو البعد عن الناس غنيمة
واقول تاني الوحده عبادة
ورمضان كريم

sahr said...

انا جايه اعزمك عندي في المدونه
اتفضل شرفني

أميرة البلطجية said...

ساعات بيبقي فيه وحدة اجبارية
اههههههههه
اصعب حاجة انك تجرب الوحدة وانت لسه صغير..الناس عادة بتتوقع الوحدة في الكبر...لكن لما تبقي في العشرينات وحياتك الاجتماعية فراغ...شعورك بيبقي سئ جدا