Sunday, January 3, 2010

ملوك الجمال


تصدقي يا "تفيدة" أن مسابقة ملك الجمال ديه فكرة جميلة .
وتنظر اليه "نفيدة" من تحت لتحت :قصدك ايه ياراجل أنت... أني انا مش عجباك ؛ ده انت حفيت لحد ما اتجوزتني ولا أنت نسيت........ ولو كنت ناسي افكرك.
ويضحك عبدالمتجلي وهو يحاول تهدئتها: مالي يا وليه... مالك فتحي كده ليه زي المدفع الرشاش انتي فهمتي غلط
وتفيدة بضيق: طب فهمني الصح انت؟
وعبدالمتجلي بهدوء: أنا قصدي انه في مسابقة في التليفزيون اسمها ابنك ملك جمالك او بنتك...
وتفيدة بضيق: لخص ياراجل.... الطبيخ علي النار حيشيط.
وعبدالمتجلي: طبيخ ايه يا وليه.... انا بكلمك في الأهم.
وتفيدة: في اهم من الطبيخ ياراجل ..ابنك زمانه جي من المدرسة.
عبدالمتجلي: انتي جبتي المفيد؛ هو انا بيتكلم عن ابنا الغالي "جودة"
وتنظر اليه تفيدة نظرة تفيد عدم الفهم مما قال
عبدالمتجلي يلاحظ ذلك : انا أفهمك يا ستي؛ أنا عاوز أمن مستقبل ابننا "جودة"
تفيدة: والله كويس... ومين يكره.بس أزاي؟
عبدالمتجلي: في مسابقة بتقول لو شابف أبنك أو بنتك اجمل طفل .. ابعت وتكسب شقة تمليك
تفيدة وهي تلطم علي وجهها: يالهوي... يا راجل انت.. انت مش بتحرم ايداً ...مسابقات تاني
عبدالمتجلي محاولا تهدئتها: المرة ديه مش لينا... ديه لأبننا "جودة" يا ولية ديه شقة تمليك؛ وانتي عارفة الشقة بكام دلوقتي.
تفيدة: عارفة .. بس لأ
عبدالمتجلي بأستغراب: لأ ليه؟... انتي تكرهي الخير لابنك
تفيدة نافية: لأ طبعاً؟
عبدالمتجلي متسائلاً: طب ايه؟
تفيدة: انت متعرفش ابنك ولا ايه؟
عبدالمتجلي: لا .. عارفة كويس
تفيدة باستغراب: طالما أنت عارفة كويس... تفكر في الموضوع ده ازاي؟!
عبدالمتجلي: وايه المشكلة في كده؟
تفيدة محاولة افهام عبدالمتجلي: رحم الله امرئ عرف قدر ابنه؛ أبنك يا استاذ علي الرغم من كل الدروس
اللي بياخدها بينجح يادوب؛ وبعدين عاوز تتدخل ابنك مسابقة دخلة مسابقة في الكورة ..بلاي استيشين ...
مش مسابقة ملوك جمال.
عبدالمتجلي بضيق: أنت فعلا وليه وش فقر... عمرك ما وافقتني علي اي حاجة اقترحتها عليكي ابداً
وتفيدة بابتسامة: كل حاجة بالعقل يا "عبده" أحنا عارفين أبننا كويس ؛ فبلاش نضحك الناس علينا...
أحنا كفاية ندعي ربنا يوفقه في دراسته.
ويدخل "جودة" بعد رجوعه من المدرسة وينظراليه والدة ويقول " فعلا ديه اشكال تدخل مسابقات ملك جمال...
هدوم مبهدله..... وش مترب... أكيد كان بيلعب كورة
وتطرا فكرة الكورة علي رأس "عبدالمتجلي" كورة كورة ما هي اللي بتكسب الايام ديه ...يلعب كورة ...
كده يكون مستقبله متامن ؛ ما الكورة بتجيب ملايين ومستقبل..أشطة انا من بكره اخليه يركز في الكورة بلا دراسة...بلا مذاكرة..
وتفيدة تنظر اليه وتقول: فعلا اصحاب العقول في راحة.















6 comments:

شمس النهار said...

كل سنه وانت طيب

من زمان ماقريتش بوست هنا


طبعا البوست جميل والحوار شيق وهادف

:)
سلامي

Anonymous said...

شكرا جزيلا لكتابة هذا ، كان من المفيد unbelieveably وقال لي للطن

كلام على بلاطة said...

كل سنة وانت طيب
تحياتى

كلام على بلاطة said...

سعدت بزيارة المدونة
تحياتى

كلام على بلاطة said...

سعدت بزيارة المدونة
تحياتى

كلام على بلاطة said...

سعدت بزيارة المدونة
تحياتى